متحدہ مجلس عمل میں واپسی کو گناہ سمجھتا ہوں ،اسلام کے نام پر قوم کو دوبارہ دھوکا نہیں دے سکتا :مولانا سمیع الحق - Daily Qudrat
Can't connect right now! retry

متحدہ مجلس عمل میں واپسی کو گناہ سمجھتا ہوں ،اسلام کے نام پر قوم کو دوبارہ دھوکا نہیں دے سکتا :مولانا سمیع الحق


پشاور(قدرت روزنامہ)جمعیت علمااسلام (س) کے سربراہ مولانا سمیع الحق نے کہا ہے کہ وہ متحدہ مجلس عمل میں واپسی کو گناہ سمجھتے ہیں اور اسلام کے نام پر قوم کو دوبارہ دھوکا نہیں دے سکتے.ان کا کہنا تھا کہ وہ سینٹ انتخابات کے حوالے سے 4 جماعتوں کا متفقہ امیدوار ہوں کیوں کہ میرے تجویز اور تائیدکندگان 4 مختلف جماعتوں سے ہیں.

ضرور پڑھیں: میرا ایک مشن تھا جوپورا ہوگیا ۔۔۔ ،جان کر آپ بھی دنگ رہ جائینگے

انہوں نے کہا کہ وہ تحریک انصاف میں شامل نہیں ہوئے بلکہ اس کے ساتھ سیٹ ایڈجسٹمنٹ کریں گے.دینی جماعتوں کے سیاسی اتحاد ایم ایم اے سے متعلق سوال پر مولانا سمیع الحق کا کہنا تھا کہ ایم ایم اے میں جانے کے بجائے گھر میں بیٹھنا بہتر سمجھتا ہوں.انہوں نے کہا کہ وہ متحدہ مجلس عمل میں جانے کو گناہ سمجھتے ہیں کیوں کہ اسلام کے نام پر ہم قوم کو دوبارہ دھوکا نہیں دے سکتے.ایک سوال کے جواب میں انہوں نے کہا کہ ان سینیٹر شپ کے لیے صرف 36 روپے لگے ہیں اور وہ بھی خیبر بازار سے تصویریں کھنچوانے میں خرچ ہوئے ہیں.پشاور میں میڈ یا سے گفتگو کرتے ہوئے انہوں نے کہا کہ ماضی میں بھی 1985 سے 2008 تک سینٹر رہے ہیں، چاروں الیکشن میں اللہ نے سرخرو کیا اور اللہ نے چاہا تو اس مرتبہ بھی سینیٹ کا رکن بنوں گا.انہوں نے کہا کہ فی الحال سینیٹ میں جنرل اور ٹیکنوکریٹ کی سیٹ پر کاغذات نامزدگی داخل کیے ہیں. ان کا کہنا تھا کہ انہیں ہر بار جماعتی وابستگی سے بالاتر ہو کر لوگوں نے ووٹ دیے اور وہ اب بھی تحریک انصاف سمیت تمام جماعتوں سے رابطے میں ہیں.

..

ضرور پڑھیں: اس کو کہتے ہیں اصل تبدیلی عمران خان کے وزیر اعظم بنتے ہی ، ، اہم کام کر ڈالا

مزید خبریں :