زینب کا قاتل کون ہے اوراسے کیا کہہ کر ساتھ لے گیا فوٹیج میں وہ کس کا ہاتھ پکڑ کر جاتے ہوئے دکھائی دے رہی ہے زینب کی والدہ اور پرنسپل کے چونکا دینے والے انکشافات   - Daily Qudrat
Can't connect right now! retry

زینب کا قاتل کون ہے اوراسے کیا کہہ کر ساتھ لے گیا فوٹیج میں وہ کس کا ہاتھ پکڑ کر جاتے ہوئے دکھائی دے رہی ہے زینب کی والدہ اور پرنسپل کے چونکا دینے والے انکشافات  


اسلام آباد(قدرت روزنامہ14جنوری2018)قصور کی ننھی زینب کا اندوہناک قتل آج اس کی تدفین کے تیسرے روز بھی پاکستان کے عوام کے ذہنوں میں پیوست ہے اور پاکستانی میڈیا اور سوشل میڈیا پر زینب کا اندوہناک قتل ٹاپ نیوز کے طور پر پیش کیا جا رہا ہے. زینب کے اہل خانہ کے ساتھ ساتھ زینب سے وابستہ افراد بھی اس کی موت کے صدمے سے نڈھال ہیں.

نجی ٹی وی کی خاتون اینکر سے گفتگو کرتے ہوئےزینب کے سکول کی پرنسپل جو زینب کی والدہ سے تعزیت کیلئے ان کے گھر موجود تھی کا کہنا تھا کہ زینب ایک نہایت ذہینبچی تھی وہ اپنی عمر سے زیادہ ذہین تھی اور یہ ممکن ہی نہیں کہ وہ کسی اجنبی شخص کا ہاتھ پکڑ کر اس کے ساتھ چل پڑے. زینب کی والدہ کا کہنا تھا کہ زینب میرے ساتھ بہت زیادہ اٹیچ تھی اور مجھے یقین ہے کہ قاتل نے زینب کو یہی کہہ کر پھسلایا ہو گا کہ آپ کی والدہ عمرے سے لوٹ آئی ہیں میں آپ کو آپ کی والدہ کے پاس لے کر چلتا ہوں. زینب کی والدہ کا کہنا تھا کہ میں نے عمرے پر جانے سے قبل زینب کو اجنبی افراد سے دور رہنے کی تلقین کی تھی. میں نے زینب کو کہا تھا کہ دیکھو آج کل لوگ بچوں کو اٹھا کر لے جاتے ہیں جس پر زینب نے کہا کہ ’’مما پھر وہ بچوں کا کیا کرتے ہیں‘‘میں نے زینب کو جواب دیا کہ پھر جب بچے مما کے پاس جانے کیلئے ضد کرتے ہیں تو وہ بچوں کو مار دیتے ہیں. زینب کی والدہ کا کہنا تھا کہ عمرے کے دوران جب موبائل فون پر میری زینب سے بات ہوئی تو میں نے اس سے پوچھا کہ کیا تمہارا دل لگا ہوا ہے جس پر زینب نے نہایت مطمئن انداز میں کہا کہ ہاں میرا دل لگا ہوا ہے. زینب کی والدہ کا کہنا تھا کہ جب میں واپس آئی تو گھر والوں نے مجھے بتایا کہ زینب نے آپ کو بالکل بھی یاد نہیں کیا وہ نہایت اطمینان سے دن گزارتی رہی . زینب کی والدہ نے بتایا کہ فون پر زینب کے ساتھ ہونے والی آخری بات چیت میں زینب نے مجھے کہا تھا کہ ’’مما میرے لئے آتے ہوئےکھلونے لے کر آنا‘‘.

..

مزید خبریں :

سروے