انتقال سے چندگھنٹے قبل سنیل دت نے پریش راول کوخط کیوں بھیجا؟ اداکارنے مداحوں کوحیران کردیا - Daily Qudrat
Can't connect right now! retry

انتقال سے چندگھنٹے قبل سنیل دت نے پریش راول کوخط کیوں بھیجا؟ اداکارنے مداحوں کوحیران کردیا


ممبئی (قدرت روزنامہ)بولی وڈ معروف اداکار پریش راول نے حال ہی میں ریلیز فلم ’سنجو‘ میں آنجھانی اداکار سنیل دت کا کردار ادا کیا، فلم کی کہانی سنجے دت کی زندگی پر مبنی تھی جس میں رنبیر کپور سنجو کے کردار میں نظر آئے.پریش راول نے حال ہی میں ایک خط اپنے مداحوں سے شیئر کیا، اور دلچسپ بات یہ ہے کہ یہ خط پریش راول کو کسی اور نے نہیں بلکہ سنیل دت نے دیا جو کہ انہوں نے اپنے انتقال سے چند گھنٹوں قبل تحریر کیا تھا.

ضرور پڑھیں: آپ لوگ ہمیں ہمارے حال پر چھوڑ دیں اور خدارا اب یہ بات نہ کریں ۔۔۔۔ عاجز آ کر نواز شریف نے اپنے رفقاء کو یہ بات کیوں کہی ؟ خبر آ گئی

اس خط میں سنیل دت نے پریش راول کو ان کی سالگرہ کی مبارکباد دی تھی.انڈین ایکسپریس کو دیے ایک انٹرویو میں پریش راول نے اس حوالے سے بتایا کہ ’25 مئی 2015 کو میں اپنی ایک فلم کی شوٹنگ میں مصروف تھا، اس وقت میں نے اپنے گھر پر فون کیا اور بتایا کہ مجھے گھر آنے میں دیر ہوجائے گی، شوٹنگ کے دوران ہمیں خبر میری کے دت صاحب (سنیل دت) کا انتقال ہوگیا ہے، تو میں نے اپنی اہلیہ کو دوبارہ کال کی اور بتایا کہ سنیل دت کا انتقال ہوگیا ہے، اس لیے میں ان کے گھر جارہا ہوں، تب میری اہلیہ نے مجھے بتایا کہ میرے لیے سنیل دت نے ایک خط بھیجا ہے

‘.اداکار نے مزید کہا کہ ’جب میں نے اپنی اہلیہ سے پوچھا کہ خط میں کیا لکھا ہے، تو انہوں نے مجھے بتایا کہ سنیل دت نے مجھے سالگرہ کی مبارکباد دی ہے، جس پر مجھے کافی حیرانی ہوئی کیوں کہ میری سالگرہ 30 مئی کو ہوتی ہے، اور ابھی اسے آنے میں 5 دب باقی تھے، میری اہلیہ نے مجھے پورا خط پڑھ کر بھی سنایا‘.پریش راول کے مطابق ’مجھے بہت حیرانی ہوئی، مجھے آج تک سمجھ نہیں آیا کہ دت صاحب نے مجھے میری سالگرہ سے 5 روز قبل خط کیوں بھیجا، اس سے زیادہ حیرانی کی بات یہ تھی کہ اس سے قبل ہم نے کبھی ایک دوسرے کو ایسے کسی خاص دن کی مبارکباد نہیں دی، تو پھر اس بار انہوں نے میرے لیے خط کیوں تحریر کیا‘.خیال رہے کہ فلم سنجو میں پریش راول کی اداکاری کو مداحوں اور تجزیہ کاروں دونوں ہی کی جانب سے مثبت ریویوز ملے.فلم ’سنجو‘ کی ہدایات راج کمار ہیرانی نے دی، جس میں رنبیر کپور اور پریش راول کے علاوہ دیا مرزا، منیشا کوئرالا، سونم کپور، انوشکا شرما، وکی کوشل، بومن ایرانی اور جم سربھ نے اہم کردار ادا کیے.فلم اب تک بھارتی باکس آفس پر 265 کروڑ ہندوستانی روپے کما چکی ہے.

..

ضرور پڑھیں: پی ٹی آئی چئیرمین عمران خان کو معذور خاتون نے روک لیا